[A:386]chen bstan pa rgyas byed ces bya ba las gsung ngag byon tshul kha'u brag rdzong pa'i bzhed pa ma nor ba dang / byung ba'i chos la bshad sgrub bya tshul gnyis mkhyen brtses mdzad pa/ sa skya pa chen po'i rnam thar nas ngor chen yab sras kyi bar dang / de nas bdag chen rdo rje 'chang nas nged rang gi rtogs brjod kyi bar yongs su rdzogs par byas shing / thun mong ma yin pa'i maNDal dang / sdom gzung gi tshigs bcad gnyis ka la brten pa rgyas pa'i lugs gnyis kyi sems bskyed legs par byas/ phyi dro slob ma rjes 'dzin dang / gsag sbyong gi dmigs pa zhib tu phog ste so sor nan tan tu bsgom dgos pa'i bslab bya yang dag byas/ nged bsnyen pa kha gso dang bum chu nus ldan du sgrub pa grol nas/ sum ldan rdo rje 'dzin pa dge slong rin po che 'dam nas chibs kha bsgyur bar/ mdzod pa sogs pheb bsur btang ste/ bla brang du spyan drangs/ gzhis len shin tu gzabs pa dang / gser/ ja/ dar/ ras/ rta/ mdzo mo sogs rgyas par phul/ chibs kha bsgyur bar chibs skyel zhus/ de nas dpon slob rnams la mus chen gyi mngon dkyil la tshar chen gyi lhan thabs dang / snying po bsdus pa sbyar te mkhan chen de nyid kyi gsung rgyun ltar dpal kye rdo rje'i rdul tshon gyi dkyil 'khor la brten pa'i rgyu dus kyi dbang / dbang lha spyan 'dren gyi dus gzhal yas khang dang lha snam gsum gyi steng gdan gsum tshang ba'i lha tshogs bkod pa dang / slob dpon gyi dbang gi dus slob ma dbang stegs kyi steng du 'jog pa sogs tshar lugs kyi phyag len 'khrul med byas/ dbang dus su thob pa'i dam tshig dang sdom pa mi nyams shing bsrung ba'i phyir rdo rje theg pa'i rtsa ba dang yan lag gi ltung ba rgya cher