[A:391]nas zas kyi 'phrod bsten/ dbyar dgun gyi mal cha/ rten bzhengs che ba byed skabs rgyu cha dang ston mo dpangs mtho ba/ rim gro dang rten 'byung sogs rgyun mar bsgrubs pas bla ma rnams kyi nye gnas gyi mig ltos la phan pa zhig yin/ dpon slob tshang mas de ltar bsgrubs pa'i dge ba'i rtsa ba pha ma rigs drug gis bsdus pa'i sems can thams cad kyi don du bsngo ba dang / bstan 'gro la phan bde 'byung ba'i phyir smon lam bkra shis kyis mtha' brgyan par byas/ 'di skabs sgo mo bla ma yon tan gyis gsung ngag bod du 'gyur mdzad kyi paNDi ta chen po ga ya dha ra dang / thams cad mkhyen pa 'brog mi lo tsA ba/ shing rta'i srol 'byed rdo rje 'chang bla chen sa skya pa sogs kyi sku khyad mtshar de khar mkho 'ong 'dra zer bslur btang byung ba ni/ rigs brgya'i khyab bdag lnga pa chen pos/ gsung ngag slob bshad nyin byed dkyil 'khor rgyas/ /gangs can rmongs pa'i smag rum nyer sangs nas/ /snyan brgyud bshad sgrub snang ba 'od po che/ /thub bstan mi nub de srid dar gyur cig /ces gsungs pa ltar dar zhing rgyas pa'i rten 'brel du sems/ chos ra grol nas klong nag sku skye bla ma mchog legs/ /che ba bla ma mkhyen rab dang / mkhyen rab phun tshogs sogs 'grul pa mang tsam phyir log par byin rten dang / gos snam sogs ster cha dang / bstan pa'i zhabs 'degs la brtson pa dgos tshul gyi bkod pa bcas brdzongs/ sgom khang nas tsha bo chos mdzad mched kyis grwa bsgrigs mdzad de/ grwa rigs rnams rten 'byung du byung bar ngos 'phrad dang rjes gnang sogs byas shing / mgon