[A:390]gzims chung nyi 'od du bande rigs mi gcig pa du ma 'tshang ba dang / g.yas g.yon du rgyug pa sogs byung skabs dpal ldan lha mo'i dre'u rgyun du rgyug cing / skabs 'gar lha mo nyid sku mdog sngo nag rgyan phyag mtshan yongs rdzogs dang / chu srin ma'ang khrag mdog lta bur mthong zhing / dam can pu tra nyid ha la nag po ltar ral gri dang zhags pa thogs pa mngon sum du mthong bas rim gyis drag tu song skabs/ nub gcig rmi lam du gzims chung gi gung na khri mtho ba zhig gi steng du rje btsun chen po rdo rje dang dril bu bsnams shing / sku'i g.yas g.yon du dge bsnyen gyi tshul gnyis bzhugs 'dug pa/ gcig zhu byas yin 'dug cing / gcig zangs tsha e yin bsam pa byung / mos gus kyis langs te gsol ba rtse gcig tu 'debs pa zhig byung ba ni snod ldan gyi slob mar slob bshad phul bas mnyes shing bar chad zhi ba'i phyir byin rlabs gnang bar mngon/ dpon slob rnams kyis tshe sbyin yid bzhin 'khor lo la brten pa'i rten 'byung dang / dngos po'i maNDal rgyas par gnang ste ring por sdod dgos pa'i gsung nan che bar mdzad par nged rang so skyer song bas khas len ga la zhu nus kyang de kha'i 'dun pa tsam zhu ba'i khas blangs/ chos gegs med du grub pa'i gtang rag tu bstan srung rgya mtshor rten rdzas sogs yid 'gul ba bshams te gtang rag gi bskang ba rgyas par phul/ mkha' 'gro lnga mnyes par byed pa'i tshogs kyi 'khor lo rgya chen po bskor ba'i zhabs tog mdzod pa lhun grub kyis rgya che zhing dpangs mtho ba shin tu bzabs par zhus/ ma nas mdzod pa 'di lo bcu gcig nas 'khris su bcar ba'i g.yog 'grus pa byas shing / lhag par mdzod pa dang / nad g.yog /sger