[A:150] zhabs phyi ba rnams kyis de ring snga dro gzhan don du dgongs grabs gnang zhing / nyid yod med kyi rtsad gcod gnang byung bar song tshul zhus pas/ re zhig bzhugs par zhal gyis bzhes byung zer/ de 'phral sku zhabs su phyin pas byin rlabs dang / shin tu dges pa'i tshul gyis bslab ston brtse bas bskyangs pa ni byang chub bar du rjes su 'dzin pa'i rtags su 'dug /de nas rje dbon rin po che'i bslab don bzhin sku rim dang / zhabs brtan la brtson par zhus kyang / nyer lnga'i nyin ya mtshan pa'i ltas du ma dang bcas te sku mdun du 'khod pa rnams kyang yid mi bde ba med par mos gus dung nge bar byin gyis brlabs te/ rje dbon rin po che dang / nged sku mched lhan du zhal gdams bsdus tsam dang / de nas nged la spyi dang bye brag gi bstan pa'i 'dzin skyong sogs kyi skor zhib par stsal zhing / phyag thal mo sbyar te pha mkhyen rab chos kyi rje pheb byung gsung bzhin par 'ja' dkar po gzims khang thog tu zug cing / 'ja' kha dog sna tshogs pa'i rigs mang ba dang / me tog gi char sogs ltas khyad par can du ma dang bcas te dag zhing du gshegs so/ /de nas bzung dbon rin po che'i bslab ston ltar gong ma de nyid kyi dgongs pa chos kyi dbyings su rdzogs thabs kyi rim pa'i grabs byed khul byas kyang / spyir dam pa 'di nyid kyi thugs rje dang mdzad pa gang la bsams kyang rdzogs pa'i sangs rgyas dngos dang / nye ring dgra gnyen mchog dman thams cad du byang chub kyi sems rgyud kho nas brlan cing bstan pa dang 'gro ba'i dpung gnyen dam par gyur pa dang /