[A:151] lhag tu rang nyid lugs gnyis kyi sgo nas sku drin gzhal du ma mchis shing thugs brtse ba chen pos dus nam yang mi 'dor ba zhig yin gshis bzod thabs dang bral ba'i sems ngal shin tu che bar gyur to/ /kye hud 'jigs rung 'khor pa'i chu mtsho las/ /sgrol ba'i ded dpon rigs brgya'i bdag po de/ /'og min zhing du gshegs tshe bdag sogs 'gro/ /mi bzad 'khor ba'i mtsho las su yis sgrol/ /'on te mos gus mchog gis thugs yid zin/ /zab rgyas gdams pa rgya mtsho'i bka' drin thob/ /rang sems bla ma'i ngo bor 'du 'bral med/ /ji ltar byas kyang bde ba khyod kyi drin/ /de tshe yid 'ong lag 'gro'i tshogs rnams dang / /'chi med gzhon nu'i mchod sprin sna tshogs kyis/ /lha lam dog por byas pa'i me tog char/ /dbang po'i gzhu ris tshon gyis ci yang bris/ /gzhal med yid bzhin dam pa'i gdung / /rim gyis zag med phal cher yal/ /lo lnga'i khye'u'i tshad gyur pa/ /dgyes rdor ngo bor sreg mchod phul/ /e ma 'bral med rjes 'dzin brdar/ /zab gsal chos kyi dbyings nyid las/ /rje btsun chen po'i sku bstan nas/ /mjal tshe dad gus spu long g.yos/ /de nas dbon rin po che'i bslab don ltar kye rdor dang / kun rig /bla mchod sogs kyi sgrub mchod/ nA lendra gtso bor gyur pa'i 'phen yul khul gyi dgon pa che chung thams cad spyan drangs te mchod 'bul gyi rigs rgya che bar bsgrubs/ sku gdung rin po che rim gyis yal te khye'u lo lnga tsam du gyur pa dgyes mdzad rdo rje dang