[A:157] bla khag so sor mchod 'bul dang / tshogs su mang ja zhu mi rdzong bda' byas/ snar thang gi gtsug lag khang mjal bar phyin/ snyan dar dang mchod pa phul zhing / sa lugs kyi grwa tshang la grwa ja zhus/ chu mig gtsug lag khang du snyan dar dang mchod pa phul/ me 'bar gyi gtsug lag khang dar lung gnyan du phyin/ snyan dar mchod gtor rgyas par phul zhing phrin bcol zhus/ zho ma la brgyud phyin te gdan sa chen po mthong bas lus kyi ba spu ldang zhing dad gus kyi dga' ba tshad med pa skyes/ gzhi thog tu gtugs pas gnas tshang zhig tu zur chas gya nom pa dang bcas skyel ba gnang / gong bzhugs khams gsum chos kyi rgyal po'i mjal kha dgos tshul zhus par/ phyag mdzod nas deng sang sku shin tu ltem pa zhig yod pas mjal kha mi 'ong 'dra'ang snyan 'bul zhu zer/ zhag gsum song ba'i tho rangs kyi rmi lam du nged rang bco brgyad bla brang du 'dug par/ mi zhig byung nas gong ma chos kyi spyan ldan mjal bar shog zer bas zhing brjes kyang mjal rgyu yod khul gyi bla brang gi rgyab lcang rar phyin pas/ ne'u gseng yid du 'ong ba ljon shing dang me tog gis brgyan pa'i dbus na/ seng ges btegs pa'i rin po che'i khri/ padma/ nyi ma/ zla ba'i gdan la rje btsun rin po che grags pa rgyal mtshan sku mdog dkar la dmar ba'i mdangs chags pa/ zhal 'dzum bag dang ldan pa/ phyag g.yas mi 'jigs pa'i phyag rgya dang / g.yon pas bdud rtsi khol bzhin pas gang ba'i thod pa dkar po bsnams pa/ 'ja'