[A:158]'od kyi gur dang / me tog gi char 'babs bzhin pa dang bcas pa mjal zhing / phyag 'tshal/ byin rlabs zhus pas/ phyag g.yas skyabs sbyin gyi phyag rgya dang bcas bdag gi mgo thog tu bzhag nas/ dbon chung byon pa e yin gsungs pas dga' spro dang sems la bde ba tshad med par gyur tshe/ rje nyid ni ma bzhugs/ rje btsun rin po che dang mjal snyam pa'i mus la gnyid sad/ nyi ma rtse shar la mgron gnyer byung nas gong bzhugs mjal du shog zer byung bas/ rje gong ma de nyid dang / sngags 'chang bla ma gnyis rje btsun rin po che grags pa rgyal mtshan gyis slar yang bstan 'gro'i don du sprul pa'i zlos gar bstan par gdon mi za bar mngon zhing / phyag dbang dang mchod 'bul gyi rten la sku gsung thugs rten/ gser dngul gyi maNDal/ sil sbugs/ gos dar/ ja ras/ rta sogs 'bul ba shin tu bzang ba dang bcas yab sras mjal bar phyin pas/ gzhi thog gi tshom dmar du 'phags pa rin po che'i bzhugs khri'i steng du bsnyun mi mnga' ba'i tshul du bzhugs/ sku mdun du gdan bzos che ba'i khar bsdad/ dgyes pa chen po'i 'dzum bag dang bcas gsol ja gsum gyi ring dri ba dang 'phral phugs kyi bslab don bka' drin bskyangs shing / sde srid sku zhabs su snyan 'bul zhu rgyu'i ngag ma bslab don kyang stsal/ thams cad mkhyen pa sa skya paNDi ta dang 'jam dbyangs dbyer med kyi bla ma'i rnal 'byor dang / 'od dpag med kyi snang ba bsgyur ba'i 'da' kha ma gnang zhing zhag bcu skor zhig bslab ston bzhin bsdad/ de'i ring bdag