[A:114]lnga rig mkhas pa'i gtsug rgyan ngag dbang bstan/ /mkhas dang grub pa'i dbang phyug bstan 'dzin dbang / /yongs 'dzin bka' drin can rnams dang bas bsngags/ /rgya chen mdo rgyud tshangs pa'i ral klung las/ /legs 'ongs zab rgyas dam chos dza hu'i rgyun/ /'dzam gling rgya mtsho'i gos can khyon 'bebs pa'i/ /'phags bod mkhas grub tshogs rnams phyag gi gnas/ /mtshan tsam dran pas dus min 'chi ba las/ /rgyal mdzad tshe mtha' yas pa'i mgon po gang / /'bral med bde chen 'khor lo'i cod pan du/ /bzhugs la mi shigs tshe yi dngos grub stsol/ /rgyal ba'i ye shes gcig bsdus khro chags sku/ /gar dgu'i nyams ldan dgyes mdzad rdo rje dang / /mkha' spyod zhing gi rdo rje btsun mo sogs/ /yi dam lha yi tshogs la snying nas 'dud/ /tshogs gnyis rta ljang dbang pos nyer drangs pa'i/ /mtshan dpe'i dkyil 'khor rgyas pa'i nyin byed dbang / /'gro 'd-i yid mkhar shar tshe mi mthun smag /pha mthar mdzad pa'i zas gtsang sras des skyongs/ /yid 'ongs padma rA ga'i lhun po'i spor/ /nyi gzhon 'od kyis lan brgyar byugs 'dra'i sku/ /dran pas khams gsum dbang sdud lha gsum gyis/ /srid zhi'i dpal 'byor dbyar mtshor 'gran par mdzod/ /bgrang yas bstan srung ded dpon gur gyi mgon/ /bstan dgra tshar gcod stobs 'phrog gdong bzhi pa/ /srid gsum bdag mo rdo rje rab brtan sogs/ /bstan srung rgya mtsho'i tshogs kyis dge legs stsol/ /rab dkar ke la sha yi mdangs