[A:115]'phrog pa'i/ /'jigs med glang po'i dgra yi steng bzhugs nas/ /dngos grub mchog stsol ngal bsos rgyal po dang / /rmugs 'dzin dbang pos 'dod dgu'i char chen phob/ /ces mchod par brjod pas sngon bsus te/ de'ang dam pa gong ma rnams/ bsam bzhin du bstan pa dang 'gro ba'i don du sku skye ba bzhes te mdzad pa'i phrin las ji snyed kyis 'gro ba rnams smin grol la bkod pa'i tshul gyi rnam par thar pa 'god pa ni dgos pa chen po dang ldan zhing / gzhan ma tshe gang gi bya las gang byas rnams yi ger bri bar 'os pa zhig yin na 'jig rten pa rnams gzhan las rnam grangs mang zhing byas pa rgya che ba 'ong 'dug cing / rang nyid kyang dam pa gong ma'i gdan sar mi'i lad mo spre'us byed pa ltar las rtogs brjod sogs 'bri 'os ga la yod gshis 'bri 'dun gtan nas med na'ang / /dpon rin po che ngag dbang mkhyen brtse rab brtan dang / nyan po nas mkhas shing grub pa chos rje rin po che/ rmor zhabs drung / mdzod pa lhun grub/ gsang sbugs nas tshong dpon/ gzhan yang bla ma grwa rigs sogs nye bar gnas pa tshang mas 'bri dgos tshul gsung bar dgos pa chung tshul las khas len ma zhus kyang / rjes su sa skya nas gong ma chos kyi rgyal pos rtogs brjod 'bri dgos tshul gnang bar bka' nan gyen zlog ma nus pa bcas zur tsam 'bri ba'i lugs su byas pa ni/ de'ang 'gro ba thams cad kyi skyabs dang mgon gcig rdzogs pa'i sangs rgyas rnams kyi tshogs gnyis yongs su rdzogs nas bdud btul ba dang / mngon par byang chub nas chos