[A:160] brgya rdo dang / bcu rdo gsum re/ sil bu mang ba/ 'gag rings/ gzan sham/ dar ras/ snam bu/ bur ltong sogs gnang sbyin gya nom pa stsal/ phyi nyin mgron gnyer dpon g.yog gsum gsol ja dang bcas glang po ri'i bar skyel bar gnang / de nas bsnyen rdzogs zhu ba'i gza' skar stabs myur 'gros kyis rtse gdong lhun po rtser sku zhabs su sleb/ mjal kha phyag dbang rgyas par stsal/ phyi nyin zla ba bdun pa'i nyer gnyis kyi nyin res gza' lha'i bla ma dang rgyu skar rgyal gyi 'grub sbyor bzang po'i nyin gyi snga dro'i cha'i grib tshod rkang pa gnyis kyi dus su mkhan po yongs rdzogs bstan pa rin po che'i mnga' bdag 'jam mgon chos kyi rgyal po don gyi slad du mtshan nas smon te byams pa bsod nams lhun grub bkra shis grags pa rgyal mtshan dpal bzang po/ las kyi slob dpon thub bstan rnam par rgyal ba'i mkhan rin po che bstan pa'i gsal byed dam pa gnas lnga yongs su rdzogs pa'i paNDi ta chen po chos dkar rnam rgyal/ gsang ston gnas brtan 'dul ba 'dzin pa dpon slob rin chen sgang pa/ dus bsgo ba dbu mdzad bstan 'dzin/ kha skong sogs dge 'dun grangs tshang ba'i dbus su 'jam mgon chos kyi rgyal po rim byon gyi rgyal bstan nyin mor gsal zhing / lugs gnyis mdzad pa'i phrin las phyogs brgyar 'gyed pa'i gnas dpal rtse gdong srid pa gsum las rnam par rgyal ba'i chos sde chen po'i bla brang lhun po rtser bsnyen par rdzogs pa dge slong gi sdom pa thob ste 'dul ba 'dzin pa'i gras su gyur to/ /yid 'ong padma'i rdzing bu nyams dga' bar/ /ring nas spro ba'i ngang mo