[A:161]'jug pa ltar/ /rmad byung thub pa'i bstan gyis yid drangs nas/ /bshes gnyen dam pa'i drung du bsnyen par rdzogs/ /'phags pa'i yul du sde pa rnam bzhi'i nang / /che khyad 'phags pa yod par smra ba'i lugs/ /kasmi ra pa'i paN chen shAkya shrI/ /grwa sar zhugs nas ngur smrig bla gos gyon/ /grogs dag dal 'byor ldan pa'i rten bzang 'di/ /dgos med tshe 'di'i 'du 'dzis ma g.yengs par/ /bag yod khrims ldan ngur smrig 'chang ba 'di/ /bgrang yas bsod nams bsags pa'i 'bras bur nges/ /chag med kha gso'i dbang byin rlabs rnams zhu bar thub bstan rnam par rgyal ba'i chos grwar mkhan rin po che thams cad mkhyen pa ngag dbang brtan pa'i rdo rje'i sku zhabs su phyin/ stabs 'gros su song gshis dge 'dun rnams chos ra nas dbu zhwa mchod de ser phreng gi tshul mdzad/ spos bsu dang bcas te bla brang du 'byor 'phral thams cad mkhyen pa chen po'i sku zhabs su phyin pas/ bzhugs khri nas sa gdan gyi steng du pheb 'dug par phyag dbang zhus te gdan bzos bzhugs stan dang mnyam par 'dug par nan gyis sdod gsungs pas bsdad/ dges tshor gsung gleng rgyas par mdzad/ de dgong kye rdo rje'i rgyu dbang gi sta gon tshugs/ phyi nyin dngos gzhi dang lam dbang rgyas par stsal/ bdag med lha mo bco lnga'i byin rlabs/ lam zab phyi nang / bir srung phyi nang / sgrub pa lung sbyin/ brda chig brgyud/ brda don gsal ba rnams kyi byin rlabs/ ga ya dha ra nas brgyud pa'i mgon rkyang gi rjes gnang rnams stsal/ sgrub