[A:162]pa lung sbyin gyi skabs sku bong dang gzi brjid shin tu che bar mthong zhing / tshe'i tshad/ slob ma gtso che ba'i grangs/ phrin las sogs kyi lung bstan gsal bar stsal ba bzhin phyis thog tu khel/ nyin re bzhin gzhi len/ 'ong khar tshe dbang dang gnang sbyin rgyas par stsal te gzims chung gi sgo'i bar skyel bar gnang / dad gus kyi mchi ma 'khrug cing mos gus kyis 'ong mi phod pa lta bu'i ngang nas phyir log /rtse gdong du dbon rin po che 'jam dbyangs bstan 'dzin dbang po sku mched kyis rdo rje gzhon nu'i sgrub mchod gzabs spros kyi sku 'cham gnang bar ltad mor shog gsung / legs 'bul dang bcas phyin/ ston mo gzabs par gnang / gdan sa gzhan dang ma 'dra bas gzi byin che zhing thugs gra 'grigs par 'dug la/ yab bdag chen rin po ches bsgral las gnang skabs rtags khyad par can byung song / zhag kha shas bsdad/ so sor chos 'brel re zhus/ lugs gnyis nas brtse bas bskyangs te phyir log /mar lam yangs pa can du gnas mjal la phyin/ mkhan por bsngo rten dang / tshogs su mang ja/ snyan shal/ mchod pa bcas gnas mjal rgyas par zhus/ gzhi len kyang rtsal/ rim gyis bskyod pas nged rang gi chos gzhis bkra shis sgang du slebs/ phyi nyin gcung rin po che 'phags pa nye bar 'khor slar byon pa lta bu'i mkhas zhing btsun pa'i dbang phyug dam pas gtsos bla khag dang / dbu chos/ mi sna sogs kyis bsu ba bcas shrI nA lendra rnam par rgyal ba'i chos grAr slebs/ gzims khang sogs so so nas gzhis len dang legs so'i gter sbyin byung /