[A:167]mang ba/ dar sna/ 'bru sna/ sman sna sogs/ gnod sbyin bang mdzod 'khor lo dang bcas pa ngor chen rdo rje 'chang gi phyag bzhes ltar kho bo dpon slob brgyad kyis zhag bdun gyi bar du bsgrubs pa bcas nang gzhug phyag len dngos gtsang ba phul te 'gro ba'i bsod nams kyi zhing du bzhugs pa dang / chung bar nang gzhug gong ma chos kyi spyan ldan rigs brgya'i khyab bdag chen po'i sku rus las rang byon ring bsrel gyis gtams pa du ma dang / gdung tshA/ sbur ras/ rgya bod kyi mkhas grub chen po rim byon mang po'i gdung / ring bsrel/ dbu lo/ na bza'/ dam rdzas/ sku gsung thugs rten byin rlabs can mang ba/ gong ma nyid kyi na bza' cha tshang / zhal dkar bzhes spyad/ gsol sder sogs dang / rin po che'i rigs/ nor sna mang ba/ gnod sbyin 'khor lo snga ma ltar bsgrubs pas 'gro ba'i mchod sdong chen por bzhugs su gsol te dpal dgyes mdzad rdo rje la brten pa'i rab gnas nub gsum nged dpon slob bzhi bcu skor gyis gza' tshes dge bar grub ste mthar phyin par byas so/ /rigs brgya'i khyab bdag zung gi gdung rten mchog /'gro kun bsod nams gsog pa'i zhing sa ru/ /bzo dbyibs rnam rgyal byang chub mchod rten tshul/ /zung ni byin rlabs 'dus pa'i phung por bsgrubs/ /sku rgyu rin chen gser dngul las grub pa/ /khyad 'phags rin chen sna tshogs phra yis spras/ /gzungs gzhug rab tu gnas pa la sogs pa/ /rang gis lag bstar gus pas sri zhur byas/ /lhag bsam cha shas rdzogs pa'i 'od dkar can/ /