[A:168]dad brtson bsil bu'i shugs kyis rab drangs pa'i/ /legs byas rgyu skar bdag po bsil zer gyis/ /'gro kun phan bde'i padmo bzhad gyur cig /gza' tshes dge bar rgyal ba ma pham pa'i rnam sprul thams cad mkhyen pa rong ston chen po'i chos khri la 'khod de gsung ngag rin po che lam 'bras bu dang bcas pa'i gdams pa btsugs pas chos sde chen po'i bla ma grwa rigs sbyin bdag dang bcas pa rnams gong ma chos kyi rgyal po khu dbon gyis chos srid kyi bstan pa 'dzin pa la 'gran zla dang bral ba zhig 'ong 'dug ces gleng ba dang rab dga'i sa thob pa ltar byed 'dug /ngor chen dkon mchog lhun grub kyis/ lam gyi rtsa ba smin byed dbang dang 'brel/ /lam gyi snying po bskyed rdzogs nyams len brgyan/ /lam gyi dngos gzhi brjod bral lta ba mtho/ /lam mchog 'di 'dra shes na kun mkhyen nye/ /zhes gsungs pa ltar dus gsum sangs rgyas thams cad kyi bgrod pa gcig pa'i lam/ skal ldan rnams smin grol byang chub la 'god pa'i thabs mchog /stobs bcu'i mgon po 'jigs bral dpal ldan chos skyong gi bzhed gzhung / rje btsun bdag med mkha' 'gro'i zhal drod ma yal ba/ gsung ngag rin po che lam 'bras bu dang bcas pa'i gdams pa yongs su rdzogs pa/ snang ba gsum gyi dus bla ma rnams kyi rnam thar gyi lung rdzogs pa/ chos spyod kha shas/ gtor ma brgya rtsa sogs kyi lung / brgyud pa'i khyad par gnyis ldan gyi sems bskyed/ slob ma rjes 'dzin dang / bsnyen pa kha gso byas te/ dbang gi mngon par