[A:172]dang bcas pa bgyis te/ mthu ldan rgyal ba'i bstan srung nag po che/ /mthu can phyi nang dregs pa'i 'khor bcas kyi/ /mthu stobs gzi brjid bskyed pa'i phyi nang rten/ /mthu dang ldan pa bstan dgra'i gshed dmar bskrun/ /zhes gsungs pa ltar byin rlabs kyi gzi 'od 'bar bar grub pa ni khyad du mtshar ba zhig go /dpal 'bar ma hA kA la gur zhal dang / /dpal ldan lha mo 'dod khams dbang phyug ma/ /dpal 'byor dbyar mtsho ltar spel rnam thos bu/ /dpal ldan srid gsum bdag mo'i sku rnams bzhengs/ /bstan srung rgya mtsho'i gzugs sku 'jigs rung can/ /bstan dgra'i gshed mar mnga' gsol rab tu gnas/ /bstan 'dzin bu bzhin skyong bar bka' bsgos te/ /bstan srung kun gyi gtso bor bzhugs su gsol/ /e ma 'di 'dra'i sku brnyan ngo mtshar can/ /sngon med sgyu ma'i 'phrul gyi ltad mo 'di/ /srung mas mngon gsum phrin las bsgrubs pa las/ /phal gyi bzo bos sgrub nus ga la yin/ /nged rang sgom khang du dbyar chos la yod thog 'dam nas sa skya rab 'byams pas mang ja dang / sman rtse'i 'gyed cig btang bar gtsang pa phyogs gcig gi gzims khang gnyer pas rogs byas pas khams tshan la la'i grwa pa kha cig phyogs su song bar skal ba ma sprad cing / tshang ma ko long yod pa'i khar gzims khang gi phyugs shig gi rkang pa gser pas bcag pas las tshan rnams bsdus/ gang 'gab gnyer bas dri ba byas 'dug par/ dgon pa'i phyi nang gi bdag rkyen dang gtong sgo rnams ma byung bas gzhung du bla mar zhu zer mna' gam bzhag