[A:171]thod kyi tshal par bde mchog gi snying po byon pa/ dpal mgon la gdung rus su dpal mgon bram gzugs dang / a 'bur dod du byon pa/ rab brtan mar gdung rus la rab brtan ma dang / hU~M 'bur dod du byon pa/ rnam sras la gdung rus las byon pa'i rnam sras dang / dzambha la rang byon/ thams cad la gong ma'i ring bsrel gsum re/ rdzogs pa'i sangs rgyas kyi ring bsrel/ chos 'phags kyi tshems kyi dum bu re/ o rgyan yab yum gyi byang sems dkar dmar dang / dbu skra/ zab ber/ skye bdun ril bu/ bai ro'i shog ser/ birWa pa'i bdud rtsi'i ril bu/ nA ro'i sku rgyan gyi rus phreng nas rdog re/ jo bo'i shangs mtshal dang dbu zhwa'i dum bu/ gong ma lnga dang / bu ston yab sras/ ngor chen yab sras/ mkhyen rab rje khu dbon sogs rgya bod kyi mkhas grub du ma'i gdung rus/ dbu lo/ na bza'/ dam rdzas/ spur ras/ spur thal/ sku mtshal dang sku zhun gyi ril bu/ ring bsrel rnam pa bzhi/ gnod sbyin 'khor lo dang bcas pa gzhug pa'i gzungs gzhug kyi phyag len dngos gtsang bar grub cing / phra rgyan du me shel/ chu shel/ mu tig /gser dngul sogs kyi sku rgyan dang phyag mtshan bcas bzo bkod phun sum tshogs pa kun gyi mthong yul du gyur pa rnams/ las rgyun lo gcig gi ring du sprul pa'i bzo bos bsgrubs shing / yon gos dar/ dngul/ ja/ rta sogs kyis mnyes par byas shing / nged rang nas mgon khang gi rab gnas nas bshad pa bzhin zhag gsum du bsgrubs shing mnga' gsol bkra shis