[A:184]'bul ba dang rnam gzhag sogs phul thog /lo sum cu man gyi grwa rigs rnams kyis ming btags re ma byung bar mdo lugs kyi thugs gnyer la brtson pa las phyir log mi chog pa'i bca' sgrig khur blangs kyis bzos kyang lo lnga drug tsam las phugs 'khyol ba rang ni byung ma song / gzims khang 'og grwa tshang gi chos gzhis grwabs stag rtse nas bzhes grabs gnang skabs/ nged rang nas gsol dpon zhib zhus 'bul bar rdzong bda' byas shing / grwa tshang nas chos skyong chen po'i phyag mdung zhig khyer nas bla ma las tshan rnams zhu bar brdzangs pas srung ma'i 'tshubs shig kyang byung 'dug pa dang / zhu rtsa'ang pheb pa bcas phyir slog gtan tshigs bcas bka' drin bskyangs song / 'grul pa nyams la paNDi ta lha'i rgyal mtshan dang / cha dkar bla ma u pa shi /dge slong rnams kyi bskur ma che ba 'dug pa sprad/ nged rang nas lam 'bras bu dang bcas pa'i gdams pa/ dbang / khrid/ lung / byin rlabs dang bcas pa dang / 'jigs byed/ gshed dmar sogs 'dod chos mang bar byas/ dus dran mchod pa sogs lugs gnyis 'phral sel sngar rgyun ltar/ ! lcags byi lor gu ru dkon mchog spyi 'dus zhi drag seng gdong ma dang bcas pa'i bsnyen pa mjug tu tshogs brgya bcas gang rgyas byas par gtor ma mi rnying pa dang / rmi lam du ltas bzang ba byung / chos sde chen po'i bla khag las tshan dang bcas pa gros byas/ gdan sa chen po rtse gdong du 'jam dbyangs bsod nams bstan 'dzin dbang po gdan 'dren la las tshan gnyis rdzong bda' byas par/ yab bdag chen