[A:185]rin po che dang lhan du chibs kha bsgyur bar rgyal nang du thab bsu dang / nged dpon slob bzhi bcu skor gyis chibs bsu dang / dge 'dun sum brgya skor gyis rol mo'i bye brag ci rigs/ gdugs dang / rgyal mtshan/ ba dan sogs mchod rdzas sna tshogs thogs te ser phreng gis bsu ba dang / bsang / dar 'phyar/ bkra shis khra rigs sogs gang rgyas bcas spyan 'dren zhus/ gzims khang nas gzhi len dang / zhag gsum nas bco brgyad du gdan 'dren zhus/ gzhi len gang rgyas zhus shing / gcung sku ltem par tshe dbang dang / rta mgrin gyi rjes gnang zhus/ bdag chen rin po cher chibs pa sogs dgu tshan dang / gdung brgyud rin po cher phyi nyin tshogs su thams cad mkhyen pa rong ston chen po'i bzhugs khrir spyan 'dren zhus/ dgu tshan lnga tsam gyi khri 'bul byas/ rtse gdong nas kyang mang ja byin rten gyi 'gyed/ nged rang la tshogs dbur gnang sbyin rgya che ba stsal/ yab sras lhan du pho brang chen por mjal kha zhu bar pheb cing / gdung brgyud rin po che tshur pheb nas rgyang tsam bzhugs/ tshogs chen du gsung ngag rin po che lam 'bras bu dang bcas pa'i gdams pa sogs 'dod chos mang du bka' drin bskyangs ba zhus/ nged rang nas kyang phyogs 'dus bcas mang bar mkha' 'gro rgya mtsho/ bde mchog /gsang 'dus/ 'jigs byed/ gshed dmar sogs kyi dbang kha shas dang / sgrub thabs rgya mtsho dang / rjes gnang zur bka'i rigs mang bar lung bcas ci rigs byas shing / gdung brgyud rin po