[A:431]bar bka' drin bskyangs byung ba/ bar srid sogs kyis bar gcod zhi ba'i zhabs brtan du 'dug /'dren pa gang nyid zhing 'di'i mdzad pa mchog /rdzogs tshul ston kyang spyi dang bye brag gi /bstan don mchog gi sprul sku'i nyin byed dbang / /gsar du ston pa'i phrin las gcig tu dkar/ /thog mar sku ltem pa nas bzung / chos sde chen po 'di nyid dang / phyogs kyi dgon khag grwa rigs/ mnga' zhabs gtso bo/ 'di kha'i zhabs 'bring dang ban tshang bcas so so nas/ sger dang spyi bsdus kyis zhabs brtan yang yang phul zhing / chos sgrogs sogs sku rim kyang lhag bsam rnam dag gi sgo nas lan gcig ma yin pa yang yang du bsgrubs pa dang / sprul sku rin po che rdor brag nas bka' chos gsan bsam mthar phyin nas phyir pheb pa dang 'phral du mjal 'dzom bka' drin bskyangs song ba gtso bor gyur pa'i nged spun dang / bla ma/ phyag mdzod/ gnyer chen ngag dbang dang dgos rdog bcas la khur len mi rnams kyis rgyal ba'i bka'/ chos srung la gsol mchod/ sde brgyad kyi mdos rigs sogs mkhos dpag ci shes gang drag gis byas kyang bsnyun gzhi rim lod du song / 'di skabs gzhung sa chen po nas sde srid dang rgyal po khri bkod bka' drin bskyang rgyur/ mnga' zhabs rnams la brda 'grems byung ba bzhin/ chos gter gling nas sprul sku rin po che gdan 'dren du byung bar mchog sprul rin po ches/ da lo bsnyun bab lci la/ 'ong bab gang spyi sngar dang mi 'dra ba zhig rang 'dug pas/ nged rang 'gro ba blos mi lang par 'dug tshul nan gyis zhu ba gnang song kyang