[A:432] nged da lam rang skyon mi 'ong / dgon gnas su ma pheb par yun ring ba bcas gra sgrig tu pheb pa rang 'gab tshul pheb song bas pheb pa'i sgo dod cing / sprul pa'i sku chibs kha bsgyur nyin spyi dang bye brag gi bstan pa'i 'dzin skyong la thugs bskyed rgya che ba dgos tshul sogs lugs zung dang 'brel ba'i bslab ston mthar phyin pa bka' drin bskyangs te pheb songs skabs mes dbon gnyis khar sngar dang mi 'dra ba'i thugs 'phreng nyams shin tu che bar byung song ba/ sku tshe 'dir mjal 'dzom gyi mtha' mar gyur pa'i ltas su 'dug /mchog sprul rin po che phyir pheb skabs/ nged la bslab ston gzims chung shod du phyin pa 'gab tshul pheb pa ltar phyin skabs/ 'di'i ring chos rje rin po cher bslab ston pheb pa phyis su gsung 'phros byung bar/ dbon 'di la re zhig dka' las chen po rgyun mi 'chad cig 'ong bar 'dug ste/ da bar nged kyi chu rags lta bur byung song pheb pa dam pa 'di'i sku'i dri ma dang bral tshun chad/ gtso bor rkyen tsag mang la zos mi bde ba sogs gang spyi nas ji ltar bka' stsal bzhin thog tu khel ba kho nar byung ngo / /'dren pa gang gis ye shes gzigs pa ches/ /spyi dang bye brag bstan pa 'phel 'gribs sogs/ /'byung tshul ji bzhin lung bstan gsal gyur tshe/ /padma 'byung gnas nyid dang dbyer ma mchis/ /da dung kyang gtso bor chos rje rin po che dang nged zhabs 'bring rnams kyis zhing khams gzhan du dgongs pa gtad na mi 'gab tshul lan gcig ma yin pa yang yang nan gyis zhus par dgongs pa ma dor ba lta bus gzhan don du gshegs par rim 'gyangs su gyur cing / 'tsho mdzad gces gces lags sku mched gzhan