[A:433]rnams las thugs blo 'gan tshan che bas/ 'di lo sku ltem skabs zhabs phyi gzhan las lhag pa zhig gis dgongs rtse 'dug par/ ma gzhi phyag rtsa bcas 'ong bab phan thogs pa zhig min 'dra'ang / 'dren pa nyid kyi dgongs pa dang / khong pas mdzad bab cung ma mthun par/ zla ba gcig tsam song 'phral nas dgongs pa nan gyis zhus shing / sku ltem bab sogs tshang ma'i blor mi shong ba de dus kyang / tshe dbang zhig gnang dgos tshul nan gyis zhus song ba ltar zhal gyis bzhes te gnang skabs ltas legs pa rang zhig byung ma song / de nas bzung zhing la ma pheb par dpon tshang don 'grub kyis sku'i 'phrod bsten gyi gsol sman dang / zhabs phyi gang la'ang lhag bsam rnam dag dwang blangs kyis mdzad song bar/ nged zhabs 'bring rnams blo kha rdzogs nges kyi da dung kyang dag snang la 'dzol ba med pa zhig yin/ hor zla lnga pa'i tshes gcig gi nyin sprul pa'i chos skyong dpon blon la slar yang lung bstan zhib tu zhus par che bas sngon gyi sku rim rnams bsgrubs par gzhan dang mi 'dra bar byung 'dug sogs 'phral ltar snang la legs legs 'dra ba'i gsung 'ga' las 'di 'ong gi gsal kha mi gsung zhing / chung bas da cha dbu thog tu rgyal mtshan dkar po zhig tshugs/ bzhugs gdan kyang mtho ru thong gsung ba/ chos skyong dpon blon gyi gsung de rigs nged so skye rnams kyis rtogs par ma gyur gshis/ pha bla ma rigs kun bdag po nyid la rgyu mtshan rnams zhib tu zhus par/ zhal mdzum mdangs dang bcas te rgan pos kyang thegs pa yin 'dug pheb/ phyis su bsam tshe de nas ring por ma lon par bla brang 'di nyid du sku tshe'i mdzad pa'i mtha' mar