[A:442]bab cing / 'ja' 'od dkar po zhig gzims chung steng du gdung tshugs su zug pa dang / 'ja' kha dog sna lngas bar snang kun khyab pa dang / mchod pa'i gzugs brnyan gyis khengs pa dang lhan cig /sku lus mda' bsrangs pa ltar skyil krung gis bzhugs/ phyag g.yas bdud 'dul/ g.yon mnyam gzhag gi phyag rgya mdzad nas/ gzugs sku'i rnam rol chos dbyings zab mo'i klong du bsdu ba'i tshul bstan/ 'di skabs nged zhabs 'bring rnams la gong nas bslab ston du/ nged skyon gyur gyi dus su rje btsun chen po dang / rdo rje 'chang mkhyen rab bstan 'dzin bzang po'i gsol 'debs rgyun chad med par 'don dgos tshul pheb byung ba ltar/ pha bla ma rigs kun bdag po nyid kyi gsol 'debs dang bcas gsol ba ci nus su btab/ de 'phral mtshungs med rngog ston chen pos gong du smos pa'i rje btsun mkha' spyod gtso mo sogs thugs dam nyams bzhes kyi rim pa rnams gsal 'debs bka' drin bskyangs song / nged gzhan rnams kyis sku gdung rin po che'i sku zhabs su mkha' spyod ma'i ngag 'don gyi nyams len byas te brgya mchod sogs mchod pa'i bye brag rgyas par phul zhing / gdung yid bzhin gyi nor bu zhal chems ltar gdung chas kyi rim pa ma byas shing / ras dkar dri ma med pa'i na bza' gsol te/ grub pa'i dbang phyug chos rje rin po che gtso bor gyur pa'i nged nang skor rnams kyis rje btsun rdo rje rnal 'byor ma dang / bla ma mchod pa'i cho ga rgyas pa tshar re bsgrubs/ 'di nyid 'od gsal la bzhugs pa'i byin rlabs kyis nged zhabs 'bring pa rnams lus sems bde