[A:443]bas khyab pa zhig las mya ngan gyi snang ba ye med pa zhig byung / nam zla'i stabs thugs dam grol nas sku gdung rin po che bye ltems zhu ba'i phyir zhabs phyi drung 'khor rnams kyis de nub gsang sgo'i stabs bye ma len par mdzad cing / phyir nang sku cung phrad phyi bskyid kyi tshul du bzhugs shing / zhal mdangs mi legs pa sogs 'od gsal las bzhengs pa'i ltas rnams mngon du gyur pa'i thog mar spa spa lags dang / bla ma phyag mdzod lags kyis dbus/ drung 'khor rnams dang / gtso bor mtshungs med rngog ston chen po sogs der bzhugs rnams kyis snyan shal/ gsol 'debs sogs bka' drin bskyangs 'dug par zhal mdangs cung zad legs su song bar byung 'dug cing / nged gzims chung shod nas gang spyi'i bkod pa rnams grub ste/ gdung yid bzhin nor bu'i sku zhabs su bcar nas bkra shis pa'i lha rdzas che legs gangs ri'i mdangs ldan zhig sku la phul ba dang lhan du thugs ka'i thad du mgo bo gtugs nas/ spyi dang bye brag gi bstan pa rgyas pa dang / sems can la bde skyid 'byung zhing / khyad par 'dren pa gang gi bka' chems ltar mchog gi sprul pa'i sku myur du pheb ste/ thugs bskyed smon lam rnams mthar phyin pa dang / bdag sogs bla brang 'di nyid 'dzin pa'i rjes 'jug rnams kyang skye ba nas tshe rabs thams cad du pha bla ma rigs kun bdag po nyid kyis rjes su bzung ste/ byang chub bar du sems can gyi don du byon pa'i 'dren pa'i yang srid rnams dang mi 'bral zhing / bsam don mtha' dag 'grub pa'i smon lam yid ches par btab/ 'di skabs zhal gyi dkyil 'khor mdangs shin