[A:406]snyan brgyud gdams pa'i mdzod 'dzin khyab bdag rdo ring pa chen po/ rgyud thams cad kyi rtse mo 'khor lo bde mchog la brten te grub pa'i dbang phyug chen po paN chen nA ro'i thugs bcud zab gsang rdo rje rnal 'byor ma'i nyams bzhes la brten nas mkha' spyod zhing gi gtso mo nyid kyis mngon sum du rjes su bzung ba'i grub pa'i 'khor los sgyur ba buddha'i mtshan can sogs spyi dang bye brag gi bstan pa'i srog shing dam par yang yang du pheb pa bsam gyis mi khyab pa zhig yin mod kyang / so so'i rnam thar las 'dir ma spros shing / khyad par sku tshe 'di nyid kyi rnam thar yang dgung lo re dgu pa lcags sbrul hor zla drug pa yan gyi mdzad pa mtha' dag drin chen bla ma nyid kyis mdzad pa'i shel dkar phreng ba las shes pa ltar lags/ lo de'i zla ba bdun pa'i nang du bla brang 'di nyid kyi mgon khang chen por nor sbyin dbang po rnam thos sras kyi sku che ba bzhengs pa gnang rtsis la/ e nas sprul sku ba zung 'bur bzo shin tu mkhas pa pha bla ma de nyid kyi thugs rjes rang 'khor du byung bas bka'i bslab ston stsal te/ gza' tshes legs thog tu shing sogs dam pa gong ma'i phyag rgyun ji bzhin gyi bca' dag bsgrigs sngon tu 'gro ba'i nang gzhug tu rigs brgya'i khyab bdag rdo rje 'chang nas khyab bdag mkhyen rab bstan 'dzin bzang po khu dbon sogs sangs rgyas nyag gcig tu byon pa'i 'dren mchog gong ma rnams kyi dbu lo/ na bza'/ zhabs sen sogs byin rten phon che ba/ 'phags mchog phyag na padma ngur smrig gar gyi rnam par rol zhing srid zhi'i gtsug rgyan chen po kun mkhyen lnga pa'i spur tshwa/ thams cad mkhyen pa rong ston chen po'i sku thang phyag nas ma dngos dang khyad par ma mchis pa sogs byin rlabs