[A:407]can gyi thang sku kha shas/ rdo rje 'chang mkhyen rab chos rje'i sku chos la nor sbyin dbang po nyid kyi sku bri ba gnang bar rje bla ma nyid kyi phyag nas brgya rtsa sogs bka' drin bskyangs te mthu stobs nus mthu ma lus pa nor gyi dbang po dngos dang khyad par ma mchis pa'i sku thang / khyab bdag dbang phyug rab brtan gyis skal ldan rnams smin grol lam la dgod phyir rje btsun rdo rje rnal 'byor ma'i dbang bzhi byin rlabs kyi tshul du stsol ba'i sindhU ra'i maNDal/ khyab bdag bla ma nyid yan gyi thugs dam rten byin chen/ rdo rje 'chang mkhyen rab bstan 'dzin bzang po'i ring bsrel/ spur thal bzhugs pa'i rgyal ba 'chi med dbang po'i sku brnyan/ rdo rje 'chang rin chen bsod nams mchog grub kyi spur tshwa/ grub pa'i dbang phyug ngag dbang bstan pa rab rgyas kyi bzhes chen bhandha'i thod pa sogs nang gzhug bsam gyis mi khyab pa dang / khyad par pha bla ma rigs kun bdag po de nyid kyis nor sbyin dbang po'i tshogs sgrub gnang skabs ngal bsos rgyal po dpon blon 'khor bcas kyis so sor phul ba'i bskul yig rnam grangs mang tsam dang bcas nang gzhug tu stsal te bzhengs pa'i dbu 'dzugs pa bka' drin bskyangs shing / de dang lhan cig mkhyen rab chos kyi rgyal po rim byon gyis byin gyis brlabs pa'i gnas/ dben gnas sgom khang gi mgon khang du pha mes brgyud pa kun gyi bstan srung rgya mtsho'i gtso bo ma gcig srid gsum bdag mo dpon blon/ rnam thos sras yang gsang yab yum gyi sku bcas bzhengs pa gnang ba'i ljags bkod bka' drin bskyangs te/ bzo bo gnyis la zla ba phyed gnyis tsam gyi bar du phog /ston mo/ zur gsos sogs rgya che bar bka' drin bskyangs shing /