[A:445]rim lnga las/ mchod pa thams cad spangs nas ni/ /bla ma mchod par yang dag brtson/ /de mnyes pas ni kun mkhyen gyi/ /ye shes mchog ni 'thob par 'gyur/ /zhes dang / grub chen dril bu pas/ shes nas dngos po thams cad kyis/ /bla ma yongs su mnyes par bya/ /zhes sogs mdo rgyud bstan bcos rnams las/ bla ma mchod pa la phan yon bsam gyis mi khyab par gsungs shing / de ltar 'byung ba'i rgyu mtshan yang / ba tshwa chu klung can gyi mdo las/ lnga brgya tha mar gyur pa'i tshe/ /nga nyid slob dpon gzugs kyis gnas/ /zhes gsungs pa ltar/ rang cag las nyon gyis bsgribs pa'i gdul bya rnams kyi snang ngor rdzogs pa'i sangs rgyas rnams rdo rje slob dpon gyi sku'i rnam pa can du sprul nas sems can gyi don mdzad cing / rang rig ye shes kyi rgyal po nyid de bzhin gshegs pa'i thugs ye shes su ngo sprod phyir dkyil 'khor rnams kyi gtso bor bzhengs te/ dbang bzhi yongs rdzogs kyis smin cing grol ba'i lam mchog ston pa sogs sku drin sangs rgyas byang sems rnams las dpal ldan bla ma che ba zhig yin te/ rtsa rgyud brtag pa gnyis pa las/ gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang / /bdag gi bsod nams las shes bya/ /zhes dang / sambu Ta las/ nang gi dbye ba 'di nyid ni/ /bla ma'i zhal las rnyed par 'gyur/ /de mnyes pas ni kun mkhyen gyi/ /ye shes mchog ni 'thob par 'gyur/ /zhes gsungs pa yin la/ de ltar mchod pa rnams gsang rgya ma grol bar 'byung ba dang / mtshungs