[A:408] tshon rtsis mtha' brten pa'i bzo bkod phun sum tshogs pa grub bstun nor sbyin dbang po'i sku brnyan che ba de nyid bla brang lcang lo can gyi mgon khang gi byang phyogs kyi rten gyi gtso bor bsgrigs pa bka' drin bskyangs 'phral dam sel sogs kyi skyon spang phyir sku rkyang nas rab gnas shin tu rgyas par bka' drin bskyangs te/ bla brang 'di nyid 'dzin pa'i chos srid kyi byed po rnams la longs spyod rnams 'bad med du 'byung ba'i bka' bsgo dam gzhag sogs bka' drin bskyangs pa'i skabs dge mtshan gyi ltas ches shin tu mang ba zhig kun gyi mthun grub tu byung zhing / gong gi thugs rjes nged rjes 'jug rnams la'ang longs spyod rnams dgos gal che dus 'bad med du 'byung ba 'di gcig pu'i sku drin yang gzhal nus kyi yul du ma mchis pa zhig go /rin chen mang sprul ngal bsos rgyal po che'i/ /sku brnyan bsam 'phel dbang dang dbyer med pa/ /bzhengs pa'i dgongs bzhed sngon du gyur pa'i tshe/ /ngo mtshar phun sum tshogs pas khyab par gyur/ /zla ba 'di'i zla smad du byang du sku'i 'phrod bsten gyi tshab tshan la chibs kha bsgyur bar dgongs pa gtad song ba nged kyis da lam zhabs 'bring du phyin na zhus par/ bla brang 'di nyid du 'dzin skyong gi phyir du bsdad na 'gab tshul pheb pa bzhin bka' bstun zhus/ pha bla ma de nyid dpon slob ches shin tu mang ba dang / nyan po nas grub pa'i dbang phyug chen po chos rje rin po che'ang lhan du pheb pa bka' drin bskyangs song ba/ dar yul phur rdza lam ngan pa rnams ma bsgral bar nged nas kyang zhabs phyir phyin zhing / nag nyil ba'i thad du bzhugs zhag bka' drin bskyangs pa'i phyir nang nged phyir log cing / drin