[A:411] sgom khang pa dpon slob rnams la'ang dngos po'i gnang skyes dang / phyag mdud/ byin rten sogs zab rgyas su bka' drin bskyangs shing / de'u na khar grwa mang nas thab skyel zhus par so sor phyag dbang dang / dgon gyi sgrig lam/ rtswa shing srung sdom sogs bla brang lar rgya dang / jo lags sku mched kyi zhabs phyir gang 'gyur dgos pa'i bslab ston yang dag bka' drin bskyangs/ de nub mtshungs med rngog ston rim pas byin gyis brlabs pa'i gnas nyan po dgon du grub pa'i dbang phyug chos rje rin po che sku mched nas spyan 'dren gnang ba ltar chibs kha bskyod par/ bsang / dung / dar 'phyar sogs pheb bsu'i bkod pa phun sum tshogs pa dang bcas gzims khang nyid du pheb par/ gzhis len gyi ston mo zhus shing / de nub bzhugs gdan 'jags/ phyi nang nyan po ba rnams la tshe dbang bka' drin bskyangs shing / so so'i 'byor pa dang bstun pa'i spyi sger nas 'bul ba bsam gyis mi khyab pa phul bas/ byang bu ljags bsngo sogs chos phyogs dang / phyag mdud gnang skyes sogs lugs gnyis kyi sgo nas so so'-i blo'i re ba 'geng par gnang / gzims khang nas gos dar/ snam ras sogs spyi 'bul dang / zhal ngo rnams so sos sger mjal dpangs mtho bar zhus/ phar yang lugs gnyis dang 'brel ba'i bslab ston dang phyag mdud/ byin rten/ gnang sbyin bcas zhib par stsal/ chibs bsgyur bka' drin bskyangs pa'i lam zhor du 'tsho mdzad tshang gi sar chibs kha bskyod de gnang skyes yang dag bka' drin bskyangs/ tshur yang ston mo 'bul ba sogs gzhan dang mi 'dra bar mdzad/