[A:580]gyis mi khyab pa dang / grwa pa rnams kyis kyang mar gtso bor gyur pa'i 'bul ba bsam gyis mi khyab par phul/ sbyong gar gyi stabs nas btsun ma rnams bskul ma thub pas g.yag khal grwa bsgrigs par 'bul mi mang du byung zhing 'ga' re nyos pa bcas mdzo g.yag bcu bzhi tsam dang / bong khal brgyad dgu bcas par mar rkyang khal brgya skor byung zhing / gzhan yang ras tshos sogs bsam gyis mi khyab pa bcas 'ong / tshur lam gnam rdo sogs su'ang 'brog pa rnams kyis sha mar dpag med 'bul mi 'dug /gri gur zhag gsum bsdad dgos byung zhing / sde pa mdo mkhar nas dang / lha khang dang sde pa gri mdzod nas bcas kyis sku 'dra gsar bzhengs la gzungs gzhug rab gnas/ tshe rta sogs so so'i dgongs bzhed dang mthun par phul/ ri bo bde chen pa'i brgyad grwa pa rnams la'ang sgrol ma dang sme brtsegs kyi rjes gnang sogs byas/ rdzong dpon so so dang gri mdzod nas bcas kyis mar gtso bor gyur pa'i 'bul ba gtos che ba dang / gri gu ba rnams kyis kyang sha mar sogs dpag med byung / de nas dkar mo gling du zhag gnyis bsdad dgos byung ba'i chibs dpon tshor tshe rta sogs kyi dbang bskur nas rim gyis rang gnas su 'byor/ 'phreng po dga' ldan gling du gling smad zhabs drung kun dga' 'byung gnas gshegs par 'ong dgos tshul bzhin phyin/ gzhi pa'i dpon slob grwa bgres dang bcas pa dang lhan du kun rig gi sgo nas dbang bskur lam ston zhus/ sger du kye rdor gyi sgo nas bdun tshigs kyi cho ga dang / zhi ba las thams cad pa'i sbyin sreg gi sgo nas bsreg blugs