[A:581]rgyas par phul/ tshogs dbur phyin nas byang chog rgyas par phul/ na bza' cha tshang sogs nyer spyad thams cad rang gnas su 'byor/ yang 'brog mig pa'i sde pa dpon g.yog la nA ro mkha' spyod ma'i khrid sogs byas/ lo bstar gyi ser tshogs sngar rgyun ltar rgyas par zhus/ de nas lcags byi rang lo re bdun pa'i zla ba brgyad par ra ba smad nas rab 'byams pa ngag dbang tshe brtan/ rab 'byams pa kun gsal rnam rgyal/ bka' dpal ldan phrin las/ lcags zam pa blo gsal phrin las dang kun gsal/ sde pa zur khang pa'i chos mdzad ma gnyis sogs la nA ro mkha' spyod ma'i byin rlabs khrid bcas rgyas par byas/ zla ba gsum par bka' bcu byams pa bstan 'dzin dang / bka' bcu kun dga' rab brtan gnyis 'byor pas de gong nas sems la bsams kyang bar skabs su dus kyi stabs ma grub par 'di lo bka' bcu kun dga' rab brtan gyis phyag bris gnang ba'i rje btsun gong ma lnga/ tshar chen rdo rje 'chang / drin can bco brgyad pa chen po rnams kyi gtsor byas pa'i thang sku bdun la gsung ngag nye brgyud/ nA ro mkha' spyod/ gur zhal thams cad kyi brgyud pa tshang ba/ gser chos kyi yi dam thams cad dang / gur/ bram gzugs/ rdo rje rab brtan ma/ beg tse/ rnam sras sogs lha mgron la tshang ba'i gzabs bris gnang / bka' bcu byams pa bstan 'dzin gyis brgyad stong pa brgya rtsa dang / 'bum sogs sgrogs pa gnang / sde pa khrus phu nas kyis bka' 'gyur dang / gnas bcu'i zhal thang gi rab gnas la 'ong dgos tshul pheb pa ltar phyin/ yar lam lcags zam du