[A:466]mur/ btsun ma rgan mo dad mos che ba zhig yod pa des chang zhig khyer 'ongs pa nas phor chung gang byin 'dug pas cung zhig dran pa rnyed byung bar thams cad dga' ba thob/ de nub rmi lam du pha rig 'dzin chen po dang mjal nas zhal du mid pa gnang / sku'i lto bar yun cung zhig bsdad pa'i snang ba shar/ sku'i gsang ba nas thon par rmis/ gnyid sad 'phral lus kyi nad thams cad sbrul shun brjes pa ltar gar song med par song 'dug pas/ 'di rmi lam rang yin nam snyam pa'i ngang nas de snga phan lag pa nas 'then/ mdo le'i steng la khyer dgos kyin yod kyang / har te langs/ phan tshun du phyin pas goms pa lnga drug la thogs med 'gro thub pa byung / nam 'di da ltar rang langs na dga' ba snyam/ gnyid kyang ma byung ba'i ngang nas nam langs ma thag khyor khyor phyin pas skas gdang bu dgu tsam yod pa der yang thogs med du 'gro thub pa byung / pha ma gnyis kyi dbu gnang ba thams cad nu bo 'das pa'i thugs khral yang bsangs/ blo lam du tshud pas shin tu dgyes pa'i gtang rag rgyas par gnang gin 'dug /bla ma thugs rje can gyi sku drin las/ /'chi bdag kha ru tshud pa'i de'ur thar/ /da lta'i bar du bde bar gnas 'di yang / /skyabs mgon bslu ba med pa'i thugs rje lags/ /de'ang 'jam dbyangs mkhyen brtse'i dbang phyug gi rnam thar du/ sdug po dngos su byung ba des chog gis/ /sdug gtam yi ger bris la dgos pa med/ /ces gsungs pa ltar dus 'di dag gi bsam mno btang na sdang ba'i dgra'ang mchi ma 'chor ba yod na'ang dgos pa mi 'dug pas bskyur gzhag go /de nas rang lo nyer bdun pa'i mjug tu snga sor ni gsung ngag zhu ba'i spros pa ma byung zhing / da bsams