[A:467]na gsung ngag de dus byung na da lam zhu ba mi 'ong 'dug kyang da lam 'gro bar bskul ba 'di pha bla ma tshar chen rdo rje 'chang chen po'i thugs rjes bskul bar nges/ da ni dal 'byor stong log ma byung ba zhig nges par bya dgos par 'dug /de'ang dpal ldan nA lendra na rdo rje 'chang mkhyen rab byams pa ngag dbang lhun grub bstan pa'i rgyal mtshan dpal bzang po nyid las gzhan med par thag chod de myur du 'gro dgos bsam pa las gzhan gang yang yid la ma dran/ de snga lo bcu dgu'i steng du dpal ldan rmor gyi bla brang du kun rig gi dkyil 'khor yongs rdzogs kyi bsnyen pa zla ba bdun gyi bar bshad tshod dang mthun pa kha skong gi sbyin sreg kyang nyi ma bdun gyi bar byas shing / lo 'dir yang rta mgrin gsang sgrub kyi bsnyen pa zla ba bdun gyi bar byas/ de grol nas zla bo gnyis dang bcas 'phan yul du phyin/ bco brgyad bla brang du rje bla ma'i zhabs drung du bsnyen/ gtso bor gsung ngag rin po che zhu ba'i snyan gsan dang / da lam gshed dmar gyi dbang sogs thugs rjes 'dzin dgos zhus par shin tu dgyes pa'i bka' las rmor gyi bla ma rnams dang / khyad par she'u lo tsA ba bco brgyad dang thugs 'brel shin tu che bas de'i dbon brgyud yin par 'dug pas lam 'bras shin tu 'bul spro zhing / 'di lo ston mjug tsam la rtse gdong zhabs drung sku mched la lam 'bras 'bul dgos yod pas de dus pheb pa dang / da lam thog mar tshar lugs dkar lha gsum gyi sgo 'byed pa yin gsungs nas dang po tshe sbyin yid bzhin 'khor lo'i rjes gnang 'od zer drug sbrags thun mong ma yin pa mchod gshom sogs spros pa shin tu che ba'i