[A:621] de'i sang nyin nam mthong zla ba'i dus chen sum 'dzom gyis 'jam dpal rdo rje lha bcu dgu'i dkyil 'khor du dbang bskur ba dbang don dag bya dag byed ngo 'phrod nges kyi dbang bskur ba nas rim gyis phul bar rgyal yum gyi dgongs rdzogs su dmigs pa'i nyin rer mang ja bzang ba re dang bzhes thug re ma grol bar du gnang zhing / de steng du thog mar sbyin bdag bka' bcu kun bzang don grub kyis 'dzugs ja bzang bar mdzad/ nyin bstar gyis phyogs 'dus rang grwa bcas pa thams cad kyis mang ja bzhes thug nyin rer gsum bzhi re ma chag par byung zhing / so so nas bsngo rten bcas nyin bstar yum de nyid gtso bor gyur pa thams cad la bsngo ba rgyas par zhus/ sbyin bdag gi gtso bo ni bka' bcu kun bzang don grub yin zhing / rtses dong kun dga' thabs mkhas kyis zhabs 'degs rgyas par mdzad pa'i rgyun gyi bsnyen bkur gya nom pa mdzad/ rang res kyang gong ma'i phyag len ras bor du ma song ba'i nyin bstar dkyil 'khor phyi ma'i lha sta gon dang / bum pa sta gon dang bcas pa rgyas par byas/ zhag gis ma chod phyin sa lha dang slob ma sta gon nyin dang po las 'og ma rnams la mi mdzad cing / dbang gi rim pa'ang pha rgyud bzhi la rus rgyan dang Da ma ru mi dgos pa sogs brgyud pa'i phyag len rung bar bgyis sgang / mjug nas rtses dong rab 'byams pa ngag dbang bstan 'phel dang / sger pa rje drung rin po che/ 'on chos sdings nas rgya mtsho zla ba sogs pheb pa'i chos sdings phyag phyi rnams dbang kha shas la'ang yod/ tshong 'dus tshogs pa grwa tshang yongs rdzogs kyang sku rim rgyab chos la pheb pa rnal 'byor rgyud man chad thams cad la yod cing /