[A:622] bka' kun bzang don grub kyis ring 'tsho'i rten 'byung grwa dmangs thams cad kyis gnang bar/ dpon slob sangs rgyas rgyal mtshan gyis rdzas brgyad 'bul ba sogs gsung bshad rgyas par gnang / de mtshungs kun dga' thabs mkhas kyis kyang rgyas par byas pa sngar ltar gsung chog /tshong 'dus tshogs mkhan slob yongs rdzogs nas tshe dpag med kyi gsung chog dang 'brel ba'i spyi sgos thams cad nas tshan grangs sogs rgyas pa'i sgo nas mkhan rin po ches gsung bshad/ rab byung ba spyi tshogs nas maNDal rgyas pa dang bcas tshe dpag med kyi gsung chog dang 'brel ba rab byung mkhan rin po ches gsung bshad rgyas par gnang zhing / bkra shis chos sde nas 'a zhwa'i rdo rje 'dzin pa chen po dpon slob bcu gsum pheb pas gzims chung du sgrol dkar dang 'brel ba'i rten 'byung / dpon rin po ches maNDal zhal bzhes kyi gsung bshad stsal bas snga rting thams cad du rten 'brel 'grigs par byung / khong dpon slob la lam dbang / mkha' spyod ma'i lung kha shas phul/ lha tshes la chos skyong chen po pheb par phrin bcol zhu bar phyin par kha btags legs pa/ gser zho/ hu ja bar khag bcas stsal bas padma 'od kyi gzhal yas su slob dpon chen pos chos 'khor bskor ba dang 'dra bar byung zhes shin tu dgyes pa'i legs so stsal/ rdor phreng grol bstun ngor pa'i bla ma sde dger pheb mi zhig la sde dge dpon gzungs rgyal nas dgos tshul gnang ba ltar bde mchog dkar po'i byin rlabs/ sgrub thabs rgya mtsho'i rjes gnang brgya dang zhe gsum/ pod gzhung