[A:623]gi lung bcas dang / sgrub thabs brgya rtsa rjes gnang don dgu /pod gzhung bcas sngar gyi chos gsan mi thams cad dang lhan du nyin lnga'i bar phul/ nyin gcig 'bras spungs pa/ ri bde ba/ dpal ri ba/ chos 'khor gnas rab 'byams pa kun dga' smon lam sogs sgrub tsho lnga la bsnyen rdzogs dang / dpal ri ba sogs dge tshul nyi shu skor bsgrubs/ 'di nyin nas cung zhig grib 'khrugs lta bus khams ma bde ba dang skad 'gags pa byung bas ngal bso bgyid khul byas kyang rta ra mdo pa sde pa rab phun pheb/ rnal 'byor ma'i byin rlabs sogs 'bul dgos byung / tshugs nas ma grol bar rab byung ba'i grwa pa ba sger du 'phrad mi shin tu mang bas bzhes spro'i rigs mang ba bcas yang yang byung zhing / kun dga' bsam 'grub kyis nyin bstar zho ma chad par byung / sbyin bdag bka' kun don dang thabs mkhas gnyis kyis bla gos/ mthang gos sogs dang / bka' bcu pas dngul srang bco lnga/ thabs mkhas nas ja 'khor drug gnyis/ mar ltar che ba sogs dpag med byung / tshes bcu gcig la bsam yas nas bteg pas grwa dmangs yongs rdzogs/ mkhan tshang rab 'byams pa/ dbu chos/ sde pa rdzong dpon gnyis/ sde pa khrus phu nas bka' kun don/ thabs mkhas/ drung 'tsho kun dga' lags/ bkras rab lags/ spyi sa zhal ngo sku rten pa lags dpon g.yog gnyis sogs skyel mi shin tu mang bar pheb pa grwa dmangs rnams khams gsum na kha bsgral ba nas pheb/