[A:471] ma gzhi de kha lags kyang / snying nas rang gi khrid bskyangs na da lam slob bshad mthar thon nyams khrid du bskyang / slar tshogs bshad zab pa rang re'i brgyud pa thun mong ma yin pa zhig cis kyang 'bul thub pa byed pas thugs lhod pa gnang bar zhu/ zhes sku rtsed dang bcas zhal 'dzum dpag med gnang byung bas/ de ltar na thugs brtse ba nas ma shor ba dgos tshul zhus/ de'i sang nyin snga dro nas mkhas grub gung ru shes rab bzang po sogs mkhas shing grub pa brnyes pa'i bla ma rim par byon pa'i gzims chung ka drug mar rje bla ma seng ge'i khri la zhal nub phyogs su gzigs pa'i dbu thog tu gdugs/ g.yas su rgyal mtshan/ g.yon du ba dan/ sku mdun du chu bzhi sngon 'gro'i nyer spyod sogs slob bshad pa'i phyag len 'khrul med ltar bkod mdzes su bshams pa'i mdun du gtso bo rtse gdong khri chen sku mched/ 'phreng po gzhi ba/ gsang phu mchod khang pa/ srid gsum slob dpon bslab gsum bstan 'dzin/ bco brgyad rang gi phyag mdzod sogs mdor na tha chung bdag gis mtha' brten pa bcu gcig la/ rnal 'byor dbang phyug 'jigs bral dpal ldan chos skyong gi bzhed gzhung gsung ngag rin po che slob bshad zab mo tshar chen chos kyi rgyal pos legs par srol btod pa'i snang gsum gyi skabs 'jam dbyangs mkhyen brtses mdzad pa'i gsung ngag byung tshul la ngor chen man gyi rnam thar rje bla ma'i thugs thog nas gnang ba'i ljags bshad/ zhi lhag gi ngo sprod dmigs su phug pa'i me tog sngon po 'gyed pa sogs kyi phyag len phra rags thams cad sla chos su ma song bar/ bla ma lnga bcu pa'i 'grel par tshar chen rdo rje