[A:472]'chang chen pos mdzad pa'i dngos grub sgo 'byed kyi steng nas sa gzhung spel ba'i zab bshad/ bdag chen rin po che'i yi ge'i steng nas brgyud pa'i khyad par gnyis ldan gyi sems bskyed/ de nub slob ma rjes 'dzin slob bshad pa'i lugs ltar gnang ba nas rje bla ma kha gso'i ljags bsnyen la bzhugs/ 'phan yul gnya' gong nang sos mchod 'bru dang snum sogs mthun rkyen sbyin byung bas zhag bdun gyi bar der sgrub pa'i maNDal tshom bu lnga pa bshams pa'i mdun du ci 'byor gyi mchod pa phul/ nyin bstar yang maNDal tshom bu bdun pa stong phrag re dang / so bdun ma 'os 'tshams/ snga dgong brgya phyag re dang yig brgya lnga brgya re ma chag pa'i khungs byas/ dal bar ma bsdad par mig ltos la phan re byas khul yin/ de nas sku mtshams grol 'phral bco brgyad bla brang gi dbang khang 'chi med pho brang du yab kyi rdul tshon gyi dkyil 'khor du dag bya dag byed kyi dbang don ngo 'phrod pa/ khyad par slob dpon gyi dbang stegs steng slob ma re re nas gnang ba sogs slob bshad pa'i bzhed pa 'khrul med/ aShtA'i bzlas lung bcas stsal/ de'ang rje bla ma 'di dbang gang dang gang gnang kyang gcig go gcig gis gcod pa 'di tshab 'dis 'ong sogs gtan mi gnang bar so so'i phyag len phra rags thun mong ba mi 'gal zhing / thun mong ma yin pa ma 'dres pa'i sgo nas gsung bshad mtha' chod pa bka' drin bskyangs pas dbang thob lo tsam ma yin par so so'i grub mtha' 'di dang 'di'o snyam pa'i nges pa brtan po rnyed pa 'ong bas deng sang dbang gi rigs spyi dang / khyad par slob bshad zab mo'i gnad la gzhan gyi dring mi 'jog pa'i spobs pa rnyed pa 'di gcig pu'i sku drin yang gzhal bar nus pa'i tshad