[A:474]do/ rmi lam/ sgyu lus/ 'od gsal/ 'da' ka ma dang bcas pa dbang bzhi so so'i mjug tu cha tshang ba slob bshad pa'i lugs ma 'khrul ba/ lung gi rim pa snang gsum gyi skabs bla ma brgyud pa'i rnam thar tshang ba/ sngags lam tshugs nas lam 'bras glegs bam pod ser/ las dang po pa'i chos sna bdun dang bcas pa/ glegs bam pod dmar/ pod khra/ pod nag /mngon rtogs lus dkyil/ dkyil chog bya bral ma/ tshar chen rdo rje 'chang chen pos mdzad pa'i lhan thabs slob bshad la dgos pa cha tshang / bla ma'i rnal 'byor thun mong dang thun mong ma yin pa/ rnal 'byor dbang phyug gi bsrung ba thun mong dang thun mong ma yin pa'i byin rlabs/ bla ma rin 'byung / tshar gsum khug pa/ brda don gsal ba/ brda chig brgyud/ sgrub pa lung sbyin/ gsang bcu'i rgyas gdab/ rten 'brel gyi byin rlabs/ mgon rkyang gi rjes gnang gi bar cha lag yongs su rdzogs pa zla ba phyed bzhi'i bar du stsal/ de mthun shod kyi tshogs bshad kyang grol/ gtso bor gsung ngag rin po che dang bar gseng thams cad du gsang ba 'dus pa lugs gsum/ bde mchog lU nag dril gsum/ bong zhal can/ mkha' 'gro rgya mtsho sogs dang / 'jigs byed/ gshed dmar lugs gnyis sogs zur bka'i rigs kyang dpag med stsal/ grangs bcad 'di thams cad la bdag nges par tshud pa bka' drin bskyangs par 'ga' re nas phrag dog gi rnam pa byed mkhan yang byung song rung rje bla ma dus gsum sgrib med du gzigs pa des tha chung bdag gis da lta'i lan skyel ba 'di lta bu 'byung ba la dgongs par snang / gsung ngag grol nas sku zhabs su 'bod pa gnang / re zhig 'gro'am