[A:475]sdod bka' pheb par/ da lam rgyun yang lo gcig lhag par song gshis pha ma gnyis 'phrad pa sogs kyi stabs nas dgongs pa zhus/ slar mi 'gyang bar sku zhabs su 'ong chog pa dang / don gyi gtso bo gsung ngag tshogs bshad dang / rdo rje rnal 'byor ma'i bka' khrid sogs thugs rtsa nas mi 'dor ba cis kyang mkhyen mkhyen zhus/ zhabs spyi bor bkod pa'i phyag phul bas/ zhal 'dzum pa dang bcas shin tu 'ong bas re zhig pheb pa gnang kyang / yun ring por mi 'gor bar pheb dgos pa 'dug pas cis kyang thugs la gzhug dgos zhes shin tu dgyes pa'i gsung dang bcas 'phags pa'i thugs dam rten gur mgon rgya nag ma mgor 'jog pa gnang bas bka' bsgo shin tu rgyas pa gnang / bdag grogs mched rnams kyi mig mchi mas gang bzhin du 'bral mi phod pa'i tshul du phyi 'gros kyis 'ongs pas gzims chung gi sgo rgyab tu slebs dus/ bka' las/ da lam 'khor tsam pheb/ 'di'i ston 'jug tsam la lam 'bras tshogs bshad nges par 'ong pas pheb pa zhu zhes bka' pheb byung bas dga' ba dang skyo ba lhan cig par de nub sdod gnas stong ra chos sde'i bla brang rdzogs nub tu byed yod par der bsdad/ sang nyin shar la thon pas la chu sgang nas phyag mang du btsal/ myur du zhal dkyil mjal ba'i smon lam btab nas rang gnas su log /thog mar pha ma drin can gnyis dang mjal bas dgyes tshor dpag med mdzad/ ngal bso dang sbrags zhag lnga drug bsdad/ de nas dben gnas rmor dgon du phyin/ chag med kyi rim pa bir srung ma gtogs thun bzhi re ma chag pa dang / sgrub mchod kyi tshogs kyang rtag par phyin/ mkha' spyod ma'i gzhi bsnyen zhig bgyis/ blo gsal na