[A:481]gling pa'i a ti yongs rdzogs kyi lung sogs chos bka' dpag tu med pa 'bul ba gnang / de mtshungs thub bstan mkhan chen gyis thun mong du ngor chen dkon mchog lhun grub kyi bka' 'bum pu sti gsum gyi lung / rje dbon rin po cher sger du kun mkhyen bsod nams seng ge'i sngags 'bum pusti gsum gyi lung / ku ru kulle gsang sgrub lha lnga'i byin rlabs/ ngag dbang blo gsal bstan pa rab rgyas kyis thun mong du lam sbas bshad kyi thugs rdo rje'i khrid/ klu sgrub rje'i yi ge'i steng nas byin rlabs lung dang bcas pa 'bul ba gnang / gong gsal 'di thams cad tshang bar thob pa'i steng du bdag rang gis thub bstan mkhan chen drung du dmar po skor gsum gyi rjes gnang thun mong ma yin pa dang / 'jigs byed rwa lugs bcu gsum ma'i dbang tshar lugs thun mong ma yin pa khrid bcas zhus/ ngag dbang blo gsal bstan pa rab rgyas drung du beg tse 'khor mang gi rjes gnang / nai gu'i khrid tshar lugs/ tshar chen rin po che'i gsung 'bum phal che ba'i lung / mkhan chen don grub legs bzang gi drung du sems tsam lugs kyi sems bskyed/ rnam sras lnga phrag gsum gyi rjes gnang sogs zhus/ mdor na zla ba de tsam gyi bar du chos de tsam thob pa skal pa bzang ba'i mchog gnas dang / dus/ ston pa/ chos/ 'khor te phun sum tshogs pa lnga ldan du gyur/ de nas rje bla ma dpon slob rnams byang lam brgyud nA lendrar pheb/ dbon rin po che dpon g.yog hrags bsdus mdo khams phyogs su pheb/ kho bos re zhig zhabs phyir bsdad/ de bar blo gsal gyis gsol dpon zhus nas zla ba bzhi tsam