[A:482]song bstun dgongs khrol zhus par/ re zhig kye rdor bsnyen chen sogs kyi stabs nas de kha byas nas 'gab ces pheb/ mtshams kyi ring gi ja mar dang / nyer mkho thams cad dang / mi dang mi ma yin gyi 'gro ba thams cad kyi bar chad sel zhing mthun rkyen sgrub pa'i bka'i spring yig dang bar chad kyis mi tshugs pa'i bka' bsgo rgyas par stsal/ 'bral mi phod pa lta bur byung kyang zhabs spyi bor bkod pa'i smon lam dang / khyad par skye ba dang tshe rabs thams cad du rjes su 'dzin par mdzad du gsol/ zhes mchi ma'i rgyun char ltar 'babs bzhin pa dang bcas rang gnas su log ste/ de yan chad du lo bcu gsum bar mi 'bral bar zhabs pad bsnyen pa'i skabs so/ /de'ang rje bla ma 'di nyid kyi zhabs drung du yun de tsam song kyang thugs cung zad khro ba'i rnam 'gyur tsam yang gnang ba mi dran/ bka' lung gi rim pa'ang gtso bor gsung ngag tshogs slob sdom pa tshar bcu gnyis/ rdo rje phreng ba tshar brgyad sogs/ mdor na rje bla ma'i gsan yig nang bzhin bum pa gang byo'i tshul du bka' drin bskyangs/ zang zing gi gnang cha'ang snga phyir rta mdzo pho mo/ ja/ gos dar/ dkar yol sogs dpag med dang / khyad par phyag dpe sogs thugs dkyil nas ma bor ba yang yang bka' drin bskyangs pa'i sku drin byang chub bar du gzhal mi nus mod/ 'on kyang bka' lung gang thob thams cad bed med du ma bzhag par rang gis nyams len gang nus dang / gzhan don gnyer can rnams la'ang ngal sun med par phul bas sku drin bsabs pa la phan nam snyam pa ni yod/ de dag gi snga phyir dam pa du ma las zab pa dang rgya