[A:483]che ba'i chos bka' thob pa rnams rags rim phyogs gcig tu smos na/ rang lo bcu bzhi pa'i dus chos 'khor gnas mkhan chen blo gros brtan pa'i drung du kye rdo rje'i dbang ras bris la brten pa/ gur lha brgyad/ zhal bsnyen dus/ khyung khra/ 'byung 'dul/ ri khrod ma ser mo/ grwa pa'i dzam dmar/ sa lo'i bla mchod/ sngags 'chang kun dga' rin chen gyis mdzad pa'i yi dam chos skyong gi gtor chog /des mdzad pa'i gtor ma brgya rtsa rnams kyi lung / kun rig gi dbang bcas zhus/ rang lo bco lnga pa'i steng gling stod pa chen po dkon mchog dpal 'byor gyi drung du kye rdo rje'i dbang ras bris la brten pa/ 'byung 'dul/ ri khrod ma/ rta mgrin gsang sgrub kyi rjes gnang / tshe dbang 'chi med dpal ster/ rngog lo'i bstod pa/ birWa pa'i bstod pa dad chu ma/ gong ma lnga bstod/ mtshan brjod/ ngor chen gyi bstod pa rab sde rba gsum/ sems dpa' chen po'i bstod pa thub bstan gser khang ma/ g.yag rong rnam gnyis kyi bstod pa sha lo ka re/ 'chi med dpal sbyin ma bcas thob/ rang lo bcu bdun pa'i dus su dge rgan gyis khrid zhengs stegs su nam mkha' rig 'dzin dbang drag pa'i drung du nyang grags rdo rje rtsal gyi dbang lung / dkon mchog spyi 'dus kyi dbang / tshe dbang bcas dang chos skor pusti yongs rdzogs/ grub mtha' mdzod dang theg mchog mdzod kyi lung bcas thob/ rang lo nyer bzhi pa'i dus 'jam mgon bsod nams dbang phyug yab sras dbus su chibs kha bsgyur/ ra ba smad du pheb pa'i dus tshogs su jo bo rje nas brgyud pa'i sgrol ma nyer gcig gi rjes gnang / sme brtsegs dud ka'i