[A:485]dbang phyogs las rnam rgyal 'di nyid la snga phyir 'jam dbyangs gang blo ma'i rjes gnang / beg tse lcam sring gi rjes gnang / tshe dpag med sprul sku'i rjes gnang gser chos/ dbu ma lugs kyi sems bskyed sogs rjes gnang shin tu dkon pa mang po dang / lung rgyun dkon pa rnams thugs khur che bzhes kyis srubs bar thams cad du rmor dang ra ba smad sogs su'ang pheb nas stsal bas bka' drin che bar 'khums/ gong dkar chos sder slob dpon don grub chos gling pa bstan pa rgya mtshor dus 'khor 'grel chen bu ston rin po che'i gsung mchan dang bcas pa/ khro phu ba'i man ngag brgya rtsa/ dus 'khor mngon dkyil chos rje bla mas mdzad pa sogs zhus/ de ltar rang lo so bdun yan chad du gong smos ltar rje bla ma'i zhabs drung du chos dang zang zing gis bskyangs te dga' bde'i dpal la spyod pa'i skabs so/ /skabs 'dir 'di 'dra zhig thon te/ dam pa'i zhabs pad yun du bsten pa'i mthus/ /dam pa'i spyod tshul shugs 'byung tshul du shes/ /dam pa min rnams phrag dog gis myos kyang / /dam pa rnams ni gting nas khrel ba'i rgyu/ /sngon nas dpal ldan ngor pa'i bstan zhugs kyang / /sngon gyi las 'phros tshar pa chos rje'i lugs/ /sngon chad gzhan gyis ma rnyed snyan brgyud rnams/ /sngon du gyur 'di gzhan la smon ma dgos/ /tshe rabs du mar bskyangs pa'i 'dren pa mchog /rdo rje 'chang dbang tshar pa chos kyi rje'i/ /snyan brgyud zab mos bdag rgyud yongs gang ba/ /deng sang dus na kho bo min pa su/ /'ga' zhig 'di yis