[A:489]ba ltar phyin/ rang la lta ba'i gdengs med kyang bla ma'i byin rlabs kyis sku bsangs dwangs la song nas dbang dang rjes gnang lung sogs bka' gnang ltar phul/ mkha' 'gro rgya mtsho'i cho ga grwa pa rnams la rdul tshon gyi dkyil 'khor du dbang cha gcig bskur/ zhag bco lnga skor bsdad/ slar rang gi bsam gtan khang bur mtshams dam par byas pa'i tshe sbyin yid bzhin 'khor lo/ /rje btsun rig byed ma/ khro bo 'dod pa'i rgyal po bcas pa'i bsnyen pa dang / mjug tu lha mo shra ma Na'i sgo nas rmi lam brtag pa bdun phrag gcig bgyis pas ngo mtshar ba'i brda rtags kyang 'ga' zhig byung kyang brjed de thal/ gzhan shes shes dang mthong mthong gi rigs ni ma byung bar byung zhes smras na mi chos bla ma'i rdzun du 'gyur zhing / de rigs ni ci'ang zhu rgyu med/ de nas dgun stod thub bstan nas pha rig 'dzin chen pos bka' gnang ltar gsung ngag slob bshad smin rgyas rgyab rten lung gi rigs de snga nas tshogs bshad rgyas par gsan cing ljags bsnyen dang snod ldan rnams la'ang lan gcig bka' drin bskyangs grub gshis sngar gsan pa rnams bskyar ldab ma zhus shing / ma gsan pa rnams tshang mar phul/ gser dngul gyis gtsos pa'i gnang skyes dpag med stsal/ 'di lam 'bras bgyis pa'i thog ma yin/ me khyi zla ba bcu gnyis pa'i nang du kun mkhyen rong ston chen pos zhabs pad yun ring du bcags shing / she'u grags 'phyor shes rab sogs skyes chen du mas byin gyis brlabs pa'i dben gnas smon dga' rin chen bsam gtan gling gi 'khur len dgos tshul dang / gdan sa chen po dpal