[A:490]ldan sa skya nas sngags 'chang thams cad mkhyen pa chen po'i bka' shog rin po che dang / sde srid chen mo'i bka' shog bcas pheb pa ltar lo de'i gza' tshes dge bar gdan sa chen po nas mang ja gnang sbyin/ rdor brag nas thugs dam bka' shog mang bkol bsko 'ja' rgyas pa/ grwa mang so so nas tshan grangs bcas rgyas par byung ba ltar bla brang gi khur len gyi khul bgyis/ de lo yar klungs bkra shis chos sde nas 'a zhwa'i rdo rje 'dzin pa chen po kun dga' bstan pa'i rgyal mtshan 'dus pa'i sde dang bcas pas nan gyi 'ong dgos tshul pheb pa ltar snyan brgyud kyi bstan par bsams nas khas len zhus pas yar klungs su 'gro ba'i sta gon byas/ gza' tshes dge ba rang gi bsti gnas nas bskyod de ra ba smad dgon par bsdad/ sang nyin spyi pa sogs kyis sgang stod bar skyel mar byon rim bzhin chos 'khor gnas gra phyi tshong 'dus tshogs su'ang zhabs tog bsnyen bkur dpag med byung / mar lam khra 'brug tu chos rgyal gter bdag gling pa dang mjal/ shin tu legs so'i dbugs dbyung / bka' las/ chos sde'i nyi ma ma nub gong du 'byor pa rten 'brel legs pas brtson tsam 'gro dgos pheb pa ltar nyi ma ma nub gong du slebs/ de nas zhag gnyis song thog gtsug lag khang gi steng bla ma lha khang du 'a zhwa'i rdo rje 'dzin pa chen po kun dga' bstan pa'i rgyal mtshan dpal bzang po/ bka' 'gyur ba ngag dbang rab brtan/ rab 'byams pa ngag dbang bstan 'phel/ dge slong phun grags sogs ra ba smad pa/ rab 'byams pa bsod nams rnam rgyal sogs chos 'khor gnas pa/ byang 'dren phrin las sogs tshong 'dus tshogs pa/