[A:453]du/ /rgyu skar phreng bar du ba mjug ring bzhin/ /snyegs 'di mkhas rmongs kun gyi spyi srol yin/ /de phyir yon tan nyin mo'i skar ma tsam/ /skyon ni sa chen rdul ltar gyur mod kyang / /skyon rnams rkun po'i nor ltar rab sbas nas/ /yon tan gang yod lhug par bri bar bya/ /de'ang mkhas grub dam pa mang po'i zhabs pad bsten pa'i sku drin las yon tan gyi cha cung zad yod pa'ang srid mod/ gzhan shes rab dang brtson 'grus ni shin tu chung / snyom las dang le lo ni che rab che bas skyon yon mgo ma snyoms pa'i stobs kyis 'di byas dang 'di byung gi ngo mtshar ba'i yon tan gyi cha ni zhu rgyu til 'bru tsam yang med/ ba ma lang tho cho'i spyod pa ni rtsis grangs gdab tu med pa zhig byas pa dang / byed 'gyur/ byed bzhin pa ni bsam gyis mi khyab pas brir yang ma langs/ bris pa la dgos don yang mi 'dug la/ thams cad dran pa'ang mi gda' bas na/ skyes nas da lta'i bar