[A:454]lung du ma bstan pa'i spyod pa thams cad sba gsang med par cho le smras gtong bas de la dgyes pa yod na'ang legs/ mi dgyes pa yod na'ang legs pas gsan par zhu/ de'ang sngon gyi skyes bu dam pa rnams kyi rtogs brjod du sku tshe mang po'i skyes rabs kyi phreng ba tshad las 'das pa 'byung mod kyang / blun po bdag gis kha sang gi bya byed de ring mi dran pa 'dug pas/ skye ba sngon ma gang yin gyi cha rgyus ni cir yang mi dran pa gda'/ 'on kyang dal 'byor gyi ming tsam thogs lugs la dpag na mi dge ba rngam po che rang ni byas pa min tshod du 'dug /tshe 'di'i dbang du byas na bod 'dir ni rus che che mo dang / skye ba brgyud brgyud mo nyid kham po cher byed par snang yang / rang gi tshul dang ldan pa ma byung na rus dang skye bas pho skyes pa rang 'ong ba'i nges pa mi 'dug kyang / rang gi ngos skal nas rus chen gyi gral du ma tshud kyang ngo sbed mi dgos tsam gyi khungs gleng na/ bdag gi pha'i rigs ni sngon gyi dus su chos rgyal khri srong lde'u btsan gyi dus su sman pa mkhas pa mi dgur grags pa'i nang nas stod na cher che 'ug pa brang ti gsum zhes pa'i nang tshan cher cha'i brgyud pa rim par mched pa byang bdag po'i sman pa sgog sprod pa zhes bya ba'i rigs las sman pa shin tu mkhas pa dwags brgyud pa'i bya bral ba'i cha lugs can zhig bde chen chos 'khor du bzhugs pa nang don gyi rtogs pa shin tu mtho ba yin 'dug kyang / sngon gyi las 'brel zhig gis 'brog pa bkab tshes kyi rigs kyi bud med zhig la dbang gsum pa'i dus dga' ba nyams su myong ba las bdag gi pha rgan de byung ba yin 'dug /bdag gi ma zhang gi rigs ni sngon gyi dus su dwangs ma 'o mtsho'i glu mo dang gnam lha gnyis khye'u pho mor byas te ya 'brog na dmar gyi thang la babs pa 'brel ba las sgo