[A:497]'jig rten gang sa nas grwa tshang gi bla ma 'ong ba med cing / shes 'dod kyang med nges/ da cha gsang sngags kyi chos gang thob 'di dag gi 'chad nyan 'dra e thub blta ba las bstan nas mi 'ong bas dgongs khrol zhu ba las 'os med ces u tshugs kyis smras kyang / da lam 'os thor yang gzhan med pas grwa dmangs 'dod gcig ma yin gshis da lam khas ma blangs pa'i thebs med ces nan che bar byung kyang / de dus gtan nas mi 'ong thag chod byas/ 'on kyang chos skyong 'di phrag dog che ba zhig yin pas 'di ma khrol na mi 'gab bsam/ sang nyin de kha blo gsal zhu yig dang bcas dgongs pa zhu bar btang bas/ da lam sa skya dge bshes kyis bstan pa spel ba'i dus la babs pas 'ong dgos 'dug /'dres kyang rogs dan byed ces bka' shog dang bcas ma khrol/ grwa dmangs nas kyang rdor brag brgyud dgongs khrol zhus dogs sngon skor brgyabs nas snyan bgag zhus stabs/ rang gi 'phral phugs kyi bslab don thams cad rje bla ma dam pa dang sa khad 'gyang gshis rdor brag rang du zhus yod pa ltar mjal phyag la phyin par/ da lam dus mchod gcig po 'di'i ring cis kyang byed dgos pheb/ de gang nas nged kyi chos 'tshol ba'i khyad 'dug pas de ring byung na dgongs khrol zhu rogs byed theb yod kyang / de skabs ga bsgyur nas kho bos dge 'dun gyi bka' gcog mi nus pheb par brten zhu re dang bral zhing / nged kyi pha rgan de'ang gzhan las ngar ba zhig yod pa slob gnyer byas pa'i don yin pas byed dgos gnang ba sogs rang la shes 'dod med kyang mtha' sgor mo nas 'grigs 'grigs