[A:498]mang grags/ gang mi yog pa'i de'i dpe ltar khas len dgos shar/ de gang nas bla ma 'pho res sngon ma gnyis kyi skabs kyang 'os su byung mod/ de dus dus la ma babs pa dang / rje bla ma mkhyen rab mtshan can gyis pho brang chen por dge slong 'jam grags sku zhabs su snyan bgag zhu ba gnang gshis tho phul kyang 'ong ba med/ de nas lam 'bras mjug cung bsdus tsam byung kyang cha lag 'grigs par phul/ 'di lam 'bras 'chad thengs gsum pa yin/ de grol bstun sa stag zla ba bcu gnyis pa'i yar tshes bco lnga la ra ba smad nas dbu hang ram pa dang / phun grags chos gnyis/ rmor pa'i dbu chos gnyer pa sogs dang nged rang gi nu bo sogs kyi rta skyel ba dang bcas nam gseng la thon pas gru khar yang rab brtan pa'i btsun ma sogs g.yas g.yon nas 'ong mi mang tsam 'dug /gru thon nas ra ba smad kyi dbu chos gral mgo ba khams tshan mi tshan sogs dang / shar phyogs nas sogs rta bsu ba mang ba dang bcas nyi dros thog chos grwa chen por slebs/ rten 'brel khyad nas thog mar gzims chung du dkar spro zhig 'dug cing / de nas tshogs su phyin pa'i thog mar gzhung sa chen po'i bsko 'ja' gnang sbyin/ grwa dmangs la 'gyed bcas dang / rdo rje brag nas rje bla ma rigs 'dzin chen po'i chab shog bi brta bcas/ bsko 'ja'i gnang sbyin dgu tshan gsum/ 'dus tshogs la mang ja/ rmor pa spyi so'i mang ja 'bul ba/ dpon slob drung chen rin po che'i bsko 'ja' sogs zhag bcu skor gyi bar mang ja 'ar ma 'ur ma tshogs su 'gro nyag cig byed dgos byung / gza' tshes dge bar chos rar 'chad nyan brtsi shag thog mar btang / de la