[A:528]ge re chos mdzad kun dga' chos kyi nyi ma/ dge slong blo shes sogs sum cu skor pheb/ rnam snang sku mdun du mjal/ de nas nam gseng la thon par byas/ grwa pa rnams rtser zhwa mtshal mdog zhe gcig pa/ zhabs drung o sgron lags sogs sgar sbugs kha shas bcas spro sag ge phyin/ mkhar thog tu bkra shis mthong smon chos mdzad dpon g.yog gsum kyang pheb/ ras chung phug gi mda' lha lud zhing gi steng du g.yab dkar phub pas chos sde'i thab bsu 'dug /der rta babs/ cung zhig bzhugs/ ras chung phug gi gnyer pas kyang ja chang dkar spro tshan grangs rgyas par 'dug /bre kha ba rnams kyang zho sogs dang bcas mjal bar byung / de nas bkra shis dge mtshan du ma ldan pa'i chos grwa chen po'i 'dabs nye bar slebs dus gzims chung mgon khang steng nas dung chen/ rgya gling / grwa dmangs rnams 'phan gdugs/ tshogs dung sogs phyag mtshan gzab sprod kyi ser sbrengs byin chags pa shas g.yul gyi thad du slebs/ rdo rje slob dpon dge slong chos grags lags spos chags dang bcas bsu ba'i bkod pa phun sum tshogs pas bsus/ bla g.yel mthil dbang stegs la hor 'dug byas/ skya ser thams cad la phyag dbang phul/ sman lung nas gzims chung du ma slebs par blo gsal mang thos ma stong phrag gcig song / rdo stegs la 'gro ba'i dus snang ba ban ma bun 'di yin med pa'i phyod de ba'ang byung / thog mar gzims chung 'khor phibs su sgres pa rnams dang bcas bzhugs gral du zho dang gsol ja rgyas par 'dug cing / de nas nyi dros thog gnyan ston mchog gi sprul pa'i zlos gar rgyal dbang